BIBLIOTECA CREATIVA 2021/22

Con motivo do Mes da Ciencia en Galego, dende a biblioteca, Petela propuxo ás aulas unha actividade baseada na realización de experimentos coas temáticas que estiveran a traballar nas aulas.O equipo de biblioteca preparou unha exposición temática para traballar a temática e creou un padlet para visualizar todos os traballos realizados.

Con motivo do Día da Muller tivemos unha exposición temática no recuncho de lectura.As aulas visitaron o recuncho na hora de ler e traballaron a proposta de investigación e creación.Cada aula elixiu unha muller para investigar e presentar o traballo aos compañeiros :murais, lapbook ou carteis.Con todas as propostas fixemos unha exposición. ➽Día da Muller

Os voluntarios crearon audiocontos coas súas lecturas. Con algúns dos libros lidos ou grabados polos voluntarios creamos códigos QR para facer un recuncho de audiocontos para o alumnado do centro.Tamén eleximos lecturas gravadas polas familias para crear audiolibros para a biblioteca.Con todos eles creamos un recuncho na biblioteca e mercamos dous cascos para conectar as tabletas.

Os alumnos voluntarios de biblioteca de 6º de Ed. Primaria elaboraron as marionetas dos tres porquiños con fieltro para facer unha obra de teatro con elas.O alumnado quedou as tardes do mércores para levar a cabo os ensaios, así mesmo aproveitamos para comer xuntos e pasar un intre agradable compartirdo ideas, suxerencias e..

Grazas a ser seleccionados dentro do programa de Bibliotecas Escolares Solidarias na iniciativa ¨Voluntariado de Lectura-A ¨ os voluntarios de 5º e 6º contaron o 17 de xuño cun obradoiro de booktrailers a cargo de Roi Guitián, onde tiveron que crear os seus booktrailres con tabletas, programas de audio e vídeo, captura de imaxenes... en pequeno grupos.

A biblioteca converteuse os día 8 e 9 de xuño nun estudio de gravación, o motivo foi a gravación do himno da escola a cargo do alumnado do centro.O festival rematou coaintervención do alumnado cantando o himno e a proxección dun vídeo de como se grabou o "Himno da nosa escola" na biblioteca.

Tendo en conta obxectivos da materia de plástica ( apreciar a beleza das expresións artísticas mostrando respecto cara ao patrimonio cultural, expresando os propios sentimentos e emocións a través das obras de arte) pretendimos achegar ao alumnado de 5ºde primaria a arte galega contemporánea mediante o coñecemento da obra da ilustradora e ceramista viguesa, Abi Castillo.
En primeiro lugar iniciamos o coñecendo a súa obra a través do libro Pioneiras 2 (da biblioteca do cole) da que é ilustradora e máis tarde analizando algúns dos seus traballos nos que fomos identificando os elementos naïf e surrealistas.Posteriormente pasamos a crear diferentes obras inspiradas no traballo de Abi.
O alumnado de 2º de primaria traballou a composición con distintos materiais a través da visión dunha cidade.

Este curso entramos a formar parte do proxecto “Radio na biblio”.Durante este curso todas as aulas participaron na radio escolar preparando o seu programa de radioPetela.Os técnicos de radio foron oalumnado de 5º e 6º, moitos deles voluntarios na biblioteca escolar e 4º de primaria.Estamos moi satisfeitos coa experiencia da radio escolar e da boa acollida que esta ten entre o alumnado, entre o profesorado e entre as familias.Os programas lévanse a cabo na hora de ler.
O alumnado de 5º A e 5º B asistiu a un obradoiro de radio a cargo de Damián Alonso.Na primeira parte explicoulles como debían usar a súa voz, exercicios para mellora a dición e a importancia de modular a voz para a dobraxe.Na segunda parte fixeron unha dobraxe dunha conversa(anuncios, debuxos animados...)en pequenos grupos.

O alumnado de 2º participou entres sesións de retos aprendendo matemáticas de forma divertida a través de materiais manipulativos para xeometría lonxitud :xeoplano,tangram, pentominós e programación con tabletas, lonxitude e figuras 2D e 3D.

Dende o Concello de Mos chegou unha proposta dun obradoiro de xadrez para levar a cabo nas aulas de 1º e 2º de Educación Primaria.As titoras pareceunos moi interesante a proposta a realizar.Os obradoiros leváronse a cabo dende o 7 de marzo ao 8 de abril, cada curso terá 5 sesións.O obradoiro foi impartido por Brais Otero, coordinador do Club Xadrez Mos.Aproveitando o obradoiro de xadrez, creamos uns taboleiros para coñecer e xogar cos escornabots.Para xogar empregamos dous escornabots e un dado. Segundo a figura que saíra no dado, o xogador tiña que dirixirse a figura no taboleiro. Colocamos pezas do xogo do xadrez de forma aleatoria nalgúns dos cadrados do taboliero.Os dous xogadores tiñan que percorrer o taboleiro chegando á figura indicada.

Con motivo do día do medio ambiente o alumnado de 1º e 2º elabou uns animais en colaboración coas familias con materiais de reciclaxe.Aproveitamos para crear un taboleiro para traballar a reciclaxe.Cada xogador ten que programar o escornabot para chegar ao colector de lixo correcto.

O alumnado de infantil traballou a iniciación á robótica e programación a través de Bee-Bot con conceptos coma asociacións, vocabulario e un taboleiro elaborado pola profe Paula para o proxecto do Camiño de Santiago.Tamén traballaron coa mesa de luz numeración,figuras xeométricas, tangram,cores...O alumnado de 2º de primaria aproveitou o taboleiro da Oca para traballar co escornabot tamén o proxecto de Santiago.

O club de lectura acompañou as sesións con actividades motivadoras en grupo e de iniciación a programación e robótica a través de tabletas (kahoot, nubes de palabras)ou taboleiros de escornabot.